老豆爛賭搞到屋企人好憎佢，點算好⋯⋯

老豆一向有穩定正職，平時都好顧家，
但近年佢受同事影響，開始賭馬同一得閒就去麻將館⋯⋯
本身屋企人對佢賭錢都隻眼開隻眼閉，但見佢越賭越大，隨時一輸就無咗幾萬⋯⋯
佢最近仲開始問身邊嘅人借錢去賭，連屋企嘅事都唔理，
最近先知原來佢同親戚前前後後借咗成廿萬⋯⋯
每日見到呀媽同佢嘈交，呀哥家姐就為咗避開佢而好少留係屋企⋯⋯
我好擔心屋企，但係做細嘅又無聲出，
好驚老豆會係出面借錢，到時被收數佬追到上門，都唔知點算好⋯⋯
有無人可以救下我⋯⋯