如題，扒仔借貸嘅手法如下：

抽成數，又稱「抽水」，即疊碼仔借你一筆錢，佢每鋪抽你若干佣金，手法各有不同。

例子：賭本30萬，如果一晚上上落落，無嬴無輸打和，轉碼560萬，「中一」計，碼用1.2算，即67份，碼糧67200，並抽水56000，疊碼仔所得123200。你只係做左一晚睇牌勞工。

傳統一般做法，食水最深，俗稱：「出一」，疊碼仔會係你買出既每一鋪，抽取固定佣金，不輪莊閒，不輪嬴輸(和對唔計)，而「出一」意思，即10%。亦有所謂「出二」「出三」計法，但如今比較少，一般唔會開咁大咬既牌頭，好小人落搭。簡單理解，即係「買出就抽」

第二種做法，比較合理，叫「中一」，同上面類似，但呢種係你中得該鋪先抽，唔中輸錢就唔抽，同樣有「中二」「中三」等計法。簡單理解「嬴左先抽」。

第三種，叫「點數抽」，「靚屐」一般開出「7,8,9點嬴抽1或2」，即每鋪例牌嬴抽10%作佣金，其他則以「7,8,9點嬴抽一半」，「水」就照樣如此類推咁計，牌頭可以隨意傾，睇你份料足唔足秤。

Reference: https://www.discuss.com.hk/viewthread.php?tid=24427486