最近我家姐成日借錢走去賭，搞到佢同屋企關係好差。自從兩年前佢喺手機社交網站收到非法網上賭博網站廣告，就畀佢吸引咗，再加上佢啲朋友慫恿佢一齊玩網上賭博，之後就抽唔到身，開始碌爆信用卡同埋去財務公司借錢落注。佢仲話要「賭大啲，贏多啲，贏錢就可以買新電話或者名牌袋」。
最後緊係輸多贏少喇，佢聽啲朋友介紹走去借大耳窿，賭咗兩年幾已經欠債150萬，最慘係我地要幫佢孭，真係多得佢唔少，見到佢好反感，好心快啲戒咗佢啦，就係因為佢攪到屋企永無寧日。
你地覺得我應該點面對佢？ T.T