賭波廿二年，經歷過贏大錢，周身債，眾叛親離。也曾成功戒賭幾年，期間仲識到個好太太生左兩個好可愛既兒子，可惜最近幾年又重懷魔鬼懷抱，因<賭>做盡：偷，呃，騙。
偷：賭到冇錢偷老婆銀包三幾百開工，之後嚴重到偷提款卡㩒錢。
呃：同老婆講唔係賭，係生意上有阻滯(雖然生意上真係比人走左幾十萬，但<賭>冇如實講出黎）
騙：老婆發現提款卡少左錢，仲繼續欺騙佢係拎左錢買料找數（其實有3分1係賭博之上）
最後老婆言語上給我一次最後機會，但係我感覺到已沒有感情只有憎恨，如不是有兩個兒子，我想已經分開。
分享這篇簡文是想暫有寄托，決心戒賭，打從心裡我跟她一樣很愛自己兩個兒子，也愛這個家庭。
籍此記錄一下：戒賭的第一天
要成功！