近排幫老豆申請咗個投資APP，一搞就出事。
佢日日喺度玩牛熊證，輸多過賺，愈玩愈大，交易又太容易，就咁喺APP禁幾個制就得，就黎將佢嘅退休金玩到冇晒。
每次賺錢佢就會同我講，輸錢又隻字不提，報喜不報憂，但申請戶口嗰陣佢借咗我email申請，所以啲Transaction我睇到晒。每次贏幾千蚊就話自己幾個鐘賺幾千蚊好過打工，但佢幾個鐘輸返成萬蚊又當冇野。由以前每日玩1次到而家每日幾次交易，用嘅錢又愈來愈大，好驚佢玩到冇晒錢就開始借錢玩。
有同佢講過唔好玩咁多，但佢到呢個年紀，勁萌塞，唔聽人講。
可以點搞？