阿仔中學就沉迷賭博。。。
anitaleung
10 月 2 星期
由細到大阿仔都好生性，讀書成績都好好，身邊啲fd都話唔洗擔心佢。點知前日佢班主任打黎，話阿仔呢排成日請假，但明明我地日日都見到佢出門口……老師同我講返，先知阿仔呢排扮我把聲，打返學校請病假。我地即刻坐低傾，阿仔就同我地坦白，原來佢唔返學係為左匿係屋企上online賭場，仲要玩真錢，一直都用電腦入面save左張信用卡係度玩。我開銀行app一check，呢個月已經冇左幾萬蚊。。。阿仔喊住咁話：因為之前輸左好多，所以要搏命追數先唔返學。我地家境都麻麻地，幾萬蚊對我地黎講唔係一筆細數。更加重要既係，我地唔想睇到阿仔，由一個大好前途既後生仔，變成一個爛賭鬼，我地都唔知可以點樣做。。。
yannnnissss
10 月 1星期
都睇得你哋好關心阿仔既情況，家人嘅支持係好重要，比佢知道佢並唔係自己一個面對呢個狀況。而面對阿仔呢個狀況，搏命追數去還之前輸左既債務，筆數只會越滾越大，所以盡量避免比阿仔再用信用卡係online賭場上賭博。如果留意到阿仔有賭博成癮既傾向，都建議可以搵社工傾下，睇下有咩方法幫到阿仔。